Awesome reading

Shaher ki is daud mein daud ke karna kya hai
Jab yehi jeena hai doston to phir marna kya hai
Pehli baarish mein train late hone ki fikr hai
Bhul gaye bheegte hue tehelna kya hai

Serials ke kirdaaron ka saara haal hai malum
Par maa ka haal puchhne ki fursat kise hai
Ab ret pe nange paw tehelte kyun nahi
Ek sau aath hain channel phir dil behelte kyun nahi

Internet ki duniya ke to touch me hain,
lekin pados mein kaun rehta hai jaante tak nahi.
Mobile, Landline sab ki bharmaar hai,
Lekin jigri dost tak pahunche aise taar kahan hai

Kab doobte hue suraj ko dekha tha yaad hai?
Kab jaana tha shaam ka woh bahana kya hai?
To doston shaher ki is daud mein daud ke karna kya hai
Jab yehi jeena hai to fir Marna kya hai?

///////////////////////////////////////////////////////////////////////////////////////////////
Har khushi Hai Logon Ke Daman Mein,
Par Ek Hansi Ke Liye Waqt Nahi.
Din Raat Daudti Duniya Mein,
Zindagi Ke Liye Hi Waqt Nahi.

Maa Ki Loree Ka Ehsaas To Hai,
Par Maa Ko Maa Kehne Ka Waqt Nahi.
Saare Rishton Ko To Hum Maar Chuke,
Ab Unhe Dafnane Ka Bhi Waqt Nahi.

Saare Naam Mobile Mein Hain,
Par Dosti Ke Lye Waqt Nahi.
Gairon Ki Kya Baat Karen,
Jab Apno Ke Liye Hi Waqt Nahi.

Aankhon Me Hai Neend Badee,
Par Sone Ka Waqt Nahi.
Dil Hai Ghamon Se Bhara Hua,
Par Rone Ka Bhi Waqt Nahi. 
Paison ki Daud Me Aise Daude,
Ki Thakne ka Bhi Waqt Nahi.
Paraye Ehsason Ki Kya Kadr Karein,
Jab Apane Sapno Ke Liye Hi Waqt Nahi.

Tu Hi Bata E Zindagi,
Iss Zindagi Ka Kya Hoga,
Ki Har Pal Marne Walon Ko,
Jeene Ke Liye Bhi Waqt Nahi…….